- கடல் திடலாகும்; திடல் கடலாகும்.
- கடல் மீனுக்கு நீச்சுப் பழக்க வேண்டுமா?
- கடவுளை நம்பினோர் கைவிடப்படார்.
- கடுகத்தனை நெருப்பானாலும் போரைக் கொளுத்திவிடும்.
- கடுகு சிறுத்தாலும் காரம் போகுமா?
- கடுகு களவும் களவு தான்; கற்பூரம் களவும் களவுதான்.
- கடுகு போனதைத் தேடுவார்; மலை போறது தெரியாது.
- கடுங்காற்று மழை கூட்டும்; கடுஞ் சிநேகம் பகை கூட்டும்.
- கடுஞ் சொல் தயவைக் கெடுக்கும்.
- கடைந்த மோரிலே குடைந்து வெண்ணெய் எடுக்கிறது.
- கட்டிக்கொடுத்த சோறும் சொல்லிக் கொடுத்த பொய்யும் எத்தனை நாள் நிற்கும்.
- கட்டின சேலை பாம்பாய் கடித்ததாம்.
- கட்டின வீட்டுக்கு எட்டு வக்கணை.
- கட்டினவனுக்கு ஒரு வீடானால் கட்டாதவனுக்கு பல வீடு.
- கட்டை உள்ளவரை கஷ்டமுண்டு.
- கணக்கன் கணக்கறிவான்; தன் கணக்கைத் தான் அறியான்.
- கணக்கன் கணக்கைத் தின்னாவிடில். கணக்கனை கணக்கு தின்று விடும்.
- கணக்கறிந்த பிள்ளையிருந்தால் வீட்டில் வழக்குக்குத் குறைவில்லை.
- கணக்கைப் பார்த்தால் பிணக்கு வரும்.
- கண் கண்டது கை செய்யும்.
- கண் குருடு ஆனாலும் நித்திரையில் குறையுமா?
- கண்களை விற்றுச் சித்திரம் வாங்குதல் போல்.
- கண்டது சொல்ல வந்திடும் பகை.
- கண்டதே காட்சி கொண்டதே கோலம்.
- கண்டால் ஒரு பேச்சு; காணாவிட்டால் ஒரு பேச்சு.
- ==============>>>>>> CONTINUED ( தொடர்க )
No comments:
Post a Comment